امبارح كنت في معرض الكتاب.. كنت مواعدة صحبتي الأنتيم نروح سوا.. اتقابلنا برة المعرض.. و لأول مرة ما أقفش في الطابور الطوييييل اللي على أبواب الدخول.. اصلها معاها عربية و اللي معاهم عربيات بيدخلوا من باب تاني و مش بيتفتشوا.. مع ان اللي عامل الطوابير اللي برة دي هو ان كل نفر داخل بشنطة بتتفتش شنطته.. يعني همه اللي داخلين من غير عربيات هايكونوا شايلين متفجرات و اللي بعربياتهم لأ؟؟
ما علينا، المهم اني دخلت المعرض بسلام و الحمد لله.. و ربنا يجعلنا من أرباب السيارات عن قريب ان شاء الله.
دخلنا المعرض و لفينا شوية و اشترت هي الكتب اللي كانت عايزاها لولادها.. طبعا بالرغم من استمتاعي بصحبة صحبتي الأنتيم، إلا ان وجود طفلتين في هذا المكان يجعل الاستمتاع منقوصا.. فشوية كده و فضلت هي انها تروح و أكمل انا جولتي.. و قد كان.
متعتي في معرض الكتاب هي أتجول بين الكتب بحرية.. بدون قيود.. اتمشى في السرايات بكل روقان بال و أقلب في الكتب و اشوف كتاب يشدني عنوانه.. أقف أتصفحه لثواني و بعدين أبص على سعره و أقرر اشتريه لو سعره في المتناول.. اما لو كان سعره في العالي أحطه مكانه و انا باودعه بجملتي الشهيرة: لااااااا مع نفسك.
يمكن ما اشترتش كتب كتير اوي.. انما صعب يفوتني معرض الكتاب.. و بافضل آخد جولاتي دي لوحدي و باتساءل مين اللي قال ان معرض الكتاب ده يحب اللمة؟ و ان ما ينفعش تروحه لوحدك؟ انا لاحظت ده اوي من نظرات الناس لية و انا ماشية لوحدي.. حسيت اني عجبة وسط الخلق.. لشوية كده اتضايقت من نظرات الناس.. انما بعد كده كبرت.. بابدأ اعود نفسي ما اهتمش بنظرات الناس لية طالما مش باعمل حاجة تغضب الله في شئ و لا خارجة عن العرف.
نيجي بأه للكتب اللي اشتريتها:
- إستعادة المسافر خانة - جمال الغيطاني - دار الشروق
- أرز باللبن لشخصين - رحاب بسام - دار الشروق
- أرى.. أسمع.. و أتكلم - رولا خرسا - الدار المصرية اللبنانية
- أبناء لا يناقشهم الآباء - صلاح منتصر - سور الأزبكية (الكتاب ده ب 2 جنيه)
- عائد من العمرة - إبراهم الورداني - سور الأزبكية (اما الكتاب ده فبجنيه واحد فقط لا غير)
- و انت؟ حي و لا عايش؟ - كتيبين لسلسلة من جزئين لأحمد بحيري صاحب موقع هريدي يا بووووي
- شريط اسمه "طبعا نقدر" لمحاضر اسمه احمد محمد علي
و كل معرض و انتوا طيبين.
ما علينا، المهم اني دخلت المعرض بسلام و الحمد لله.. و ربنا يجعلنا من أرباب السيارات عن قريب ان شاء الله.
دخلنا المعرض و لفينا شوية و اشترت هي الكتب اللي كانت عايزاها لولادها.. طبعا بالرغم من استمتاعي بصحبة صحبتي الأنتيم، إلا ان وجود طفلتين في هذا المكان يجعل الاستمتاع منقوصا.. فشوية كده و فضلت هي انها تروح و أكمل انا جولتي.. و قد كان.
متعتي في معرض الكتاب هي أتجول بين الكتب بحرية.. بدون قيود.. اتمشى في السرايات بكل روقان بال و أقلب في الكتب و اشوف كتاب يشدني عنوانه.. أقف أتصفحه لثواني و بعدين أبص على سعره و أقرر اشتريه لو سعره في المتناول.. اما لو كان سعره في العالي أحطه مكانه و انا باودعه بجملتي الشهيرة: لااااااا مع نفسك.
يمكن ما اشترتش كتب كتير اوي.. انما صعب يفوتني معرض الكتاب.. و بافضل آخد جولاتي دي لوحدي و باتساءل مين اللي قال ان معرض الكتاب ده يحب اللمة؟ و ان ما ينفعش تروحه لوحدك؟ انا لاحظت ده اوي من نظرات الناس لية و انا ماشية لوحدي.. حسيت اني عجبة وسط الخلق.. لشوية كده اتضايقت من نظرات الناس.. انما بعد كده كبرت.. بابدأ اعود نفسي ما اهتمش بنظرات الناس لية طالما مش باعمل حاجة تغضب الله في شئ و لا خارجة عن العرف.
نيجي بأه للكتب اللي اشتريتها:
- إستعادة المسافر خانة - جمال الغيطاني - دار الشروق
- أرز باللبن لشخصين - رحاب بسام - دار الشروق
- أرى.. أسمع.. و أتكلم - رولا خرسا - الدار المصرية اللبنانية
- أبناء لا يناقشهم الآباء - صلاح منتصر - سور الأزبكية (الكتاب ده ب 2 جنيه)
- عائد من العمرة - إبراهم الورداني - سور الأزبكية (اما الكتاب ده فبجنيه واحد فقط لا غير)
- و انت؟ حي و لا عايش؟ - كتيبين لسلسلة من جزئين لأحمد بحيري صاحب موقع هريدي يا بووووي
- شريط اسمه "طبعا نقدر" لمحاضر اسمه احمد محمد علي
و كل معرض و انتوا طيبين.
هناك 15 تعليقًا:
وأنا أيضا ذهبت أمس للمرة الثانية
المرة الأولى كنت مع أسرتي أما هذه المرة فكنت وحدي ولم أشتر شيئا أصبحت أحب أخذ فكرة عن العناوين أكثر من الشراء وفي النهاية أحاول تحصيل المحتوى من الانترنت
المذكور أحمد محمد علي
هو صديقنا الرائع صاحب مدونة
يوميات عيل مصري
http://qawemwlayehmek.blogspot.com/
فعلا المعرض مش عايز له يوم واحد عشان تتتجول فيه.. بس من اين لنا بالوقت؟
جزاك الله خيرا يا عصفور على تعريفي بالدكتور احمد محمد علي.. آديني اهوه باتجول في مدونته.. شكله كده غاوي مصر زمان زيي.
:)
احلى حاجة في معرض الكتاب ان الواحد يكون لوحده فعلا علشان يعرف يتفرج بمزاج
بس الغريب والعجيب ان الزحام الرهيب اللي في معرض الكتاب لو كان الناس اللي جوة دي كلها بتقرأ فعلا...ماكانش دة بقى حالنا
تحياتي
خلاص يعنى نظبط على هنا هنلاقيكى على طول
لم اذهب من قرابه العشر سنوات
السلام عليكم ورحمة الله وبركاته
انا كمان ماروحتش من اكتر من عشر سنين
بس مش عارف ليه نفسي السنه دي اروح اوي ، الظاهر انكم فتحتوا نفسي
تصدقيني لو قلت لك عمري ما رحت المعرض؟
حاجة تكسف
على فكرة انا لازم كل سنة اروح لوحدي مرة .. و مرة مع اي حد تاني بقى عايز يروح ..
علشان لما بيبقى معاك حد لو مثلا بيدور على حاجة بيروشني .. و انا ببقى عايز اركز علشان اعرف اخد راحتي D:
و بعدين معرض الكتاب مش عايز مجموعة اكثر من 2 او 3 على اكثر تقدير - من وجهة نظري-
اما عن الازبكية .. فحدث ولا حرج ..
اشتريت كتاب Management of Organizational Structure كناب hard cover و حالته جيدة جدا و عليه ختم مكتبة الجامعة الامريكية بكام ؟؟؟
20 جنيه !!
فعلا يا a.samir ظاهرة ازدحام ساحات معرض الكتاب و خلو قاعات عرض الكتب من الزوار ملفتة للنظر جدا.. يا ريت كانت كل الناس دي بتقرا.
محمد عبد الغفار.. ظبط يا سيدي و ان شاء الله نهائي :)
خمسة فضفضة.. هاه رحتي و لا لأ؟ دول حتى مدوه لحد الخميس اللي فات.
المدونة رائعة جداً انا اول مرة ازورها ، انا كمان زرت المعرض وفعلا التفتيش كان بطريقة متزايدة عن الحد ولاكن متعة البحث عن الكتب تنسى كل المعوقات المعرض كان جميل واسعار الكتب كانت فى المتناول ...
تحياتى
أكيــــــــــــد
السنة دى اول لسنة ليا أيضا أروح المعرض منفردة بنفسى
بحب لمة الأصحاب واحنا بنشوف كتب ونعرضها على بعض... وكل واحد يقول خبراته تجاه الكاتب او الفكرة
المرة دى كنت لوحدى وكانت حالة روتينية بحتة...
دخلت بليست فى ايدى.. خرجت شرياهم ولا كان عندى نفس حتى أدخل سور الأزبكية
هى دى المتع الصغيرة اللى بتضيع مع العمر
those are some wonderful photos
makes me feel that I really should leave Cairo, and go live somewhere else.
some place with some peace and quitr
أنا أنا صحبتها الأنتيم اللي من أرباب العربيات وكان معاية البنات بس مقدرش أقاوم مقابلة علا
إرسال تعليق