ميدان باب الحديد.. المسمى حاليا بميدان رمسيس.. مين يقول لي بأه تمثال ايه اللي محطوط مكان تمثال رمسيس؟
ميدان التحرير و المتحف المصري.. و راجل و حماره.
كوبري قصر النيل و برضه جمال و حمير
طيب تعرفوا ليه بيندهوا لأي حد اسمه إسماعيل بأبو السباع؟ انا قريت مرة ان أول ما الخديوي اسماعيل أنشأ كوبري قصر النيل و حط السباع على أول الكوبري المصريين طبعا في دمهم التريقة على حكامهم فكانوا بدل ما يقولوا الخديوي اسماعيل كانوا بيقولوا عليه أبو السباع.. و عنها، طلعت ابو السباع على كل اسماعيل
آآآآآآآآآه.. قلبي.. حد يلحقني.. هايغمان علية.. دي الجامعة الأمريكية، امال همه خبوا العربيات و الناس فين على ما ياخدوا الصورة دي؟
مصريين بيملوا مية من حنفية عمومية.. و الباشا الواد الخواجة معدي.. شوف نضافته و شوف المصريين شكلهم عامل ازاي؟
صورة رائعة لمركب في النيل أمام الأهرامات.. يا ترى ممكن نشوف صورة زي دي تاني بس ع الحقيقة؟؟
روكسي أيام زماااااااااااان.. و كانوا بيجربوا طيارة في الطيران كمان
ميدان التعقيد 
اللي هو يعني ميدان ابراهيم باشا و المعروف حاليا بميدان الأوبرا
الأوبرا القديمة و الميدان و التمثال.. و شوية ناس ماشيين في الشارع على استحياء 
كوتاب
هناك 11 تعليقًا:
welcome back
:)
شكرا يا صارم.. لعلك بخير ان شاء الله :)
صور جميلة .. بس ما حضرتك تدلينا على مصدر الكنز
D:
لو أمكن يعني
حاضر يا ما علينا، هو جروب على الفيس بوك اسمه old Egypt اشترك فيه بأه و عيش :)
ربنا يحفظك انت سبقتي عشان ما اكتشفش إن التعليقات بتتاكل
انا فاكر كنت باقول نفسي يحطوا الصور دي في أماكن الزحمة وجنبها وش بيطلع لسانه
وكنت باقول حمدا لله على سلامتك بس شايفينك مشغولة ربنا يعينك
وحلوة معلومة أبو السباع دي
عصفور المدينة.. بجد مش عارفة كانت هاتبقى مدونتي شكلها ايه من غير تعليقاتك.. جزاك الله خيرا على تواجدك الدائم.
شوية صور تحفه بجد
لو عندك صور تانيه او مصادر لصور تانيه ياريت تقوليلي عشان بجد باحتاج الصور دي في شوية حاجات
مدونتك لذيذه الحقيقه
اول مره اجيها .. بس ان شاء الله مش هتكون الاخيره
سلاموووووووووز
الصور جميلة جداً , وبادعوكى لزيارة مدونتى انا عنى كمان صور لمصر من 150عام
تحياتى
أكيـــد
مش ممكن الصور ديه ان مش متخيل بصراحة ميدان التحرير ولا كوبري قصر النيل بالمنظر ده جمال و حيوانات دا ايه ده شتان الفارق تماما بين الوقت اللي اتصورت فيه الصور ديه و دلوقتي بس بصراحة من الصور ديه القاهرة كان شكلها اهدا بكتير مما هي عليه دلوقتي...شكرا على الصور ديه و جاري تتبع المصدر..يلا سلام
بجد انا شاكر جدا ليكى على الصور ديه وياريت لو فيه اكتر ماتبخليش علينا
those are some wonderful photos
makes me be more sure that I wanna leave Cairo and live somewhere else
somewhere with peace and quite
إرسال تعليق