لما قريت البوست بتاع عصفور المدينة عن انه تم عام من التدوين جه في بالي اني أشوف انا كمان بدأت تدوين امتى.. و كانت المفاجأة و هي اني بدأت تدوين قبله بيوم واحد بس، يعني يوم 1 نوفمبر.. ياااااااه.. بقالي سنة بادون يا بشررررررر
طبعا اللي هايدخل هنا هايقول يا نصااااااااابة... فين السنة التدوين دي و انتي أول تدوينة كانت شهر ديسمبر اللي فات.. بس اللي يعرفني هايعرف اني بدأت تدوين في وشوشاتي الأولانية و هي دي اللي فيها معظم تدويناتي و يمكن أهمها بالنسبة لي و هي سلسلة عشر سنوات من الحياة الوظيفية و من ديسمبر الماضي و انا باكتب شوية هنا في البلوج سبوت و شوية هناك في ايجي بلوج، و بقالي كان شهر باكتب هنا و احط نسخة هناك.. برضه ايجي بلوج كانت بدايتي و عزيزة على قلبي :)
عارفة.. عارفة اني مدونتي مافيهاش الشغل الجامد اللي كتير من المدونين عاملينه من صور و جرافيك و تغيير في القالب و حاجات كده، انما يمكن انا باعتمد اكتر على الكلام المكتوب في التدوينة.. آه طبعا ده قصر ديل عشان مش عارفة بتجيبوا الصور التحفة المعبرة عن الموضوع دي منين، بس آديني على الأقل باكتب كلام بيلقى قبول من البعض.
طبعا مش هاقدر اقول بقلب جامد اني بقالي عام كامل بادون زي الأستاذ عصفور المدينة مثلا عشان يعني مقلة شويتين في انتاجي التدويني، انما آديني اهوه برضه على طريق التدوين و يا رب يتقبل ما كان لوجهه في السنة الماضية و يعفو عما كان لهوى في نفسي.
كل سنة و انتوا طيبين
طبعا اللي هايدخل هنا هايقول يا نصااااااااابة... فين السنة التدوين دي و انتي أول تدوينة كانت شهر ديسمبر اللي فات.. بس اللي يعرفني هايعرف اني بدأت تدوين في وشوشاتي الأولانية و هي دي اللي فيها معظم تدويناتي و يمكن أهمها بالنسبة لي و هي سلسلة عشر سنوات من الحياة الوظيفية و من ديسمبر الماضي و انا باكتب شوية هنا في البلوج سبوت و شوية هناك في ايجي بلوج، و بقالي كان شهر باكتب هنا و احط نسخة هناك.. برضه ايجي بلوج كانت بدايتي و عزيزة على قلبي :)
عارفة.. عارفة اني مدونتي مافيهاش الشغل الجامد اللي كتير من المدونين عاملينه من صور و جرافيك و تغيير في القالب و حاجات كده، انما يمكن انا باعتمد اكتر على الكلام المكتوب في التدوينة.. آه طبعا ده قصر ديل عشان مش عارفة بتجيبوا الصور التحفة المعبرة عن الموضوع دي منين، بس آديني على الأقل باكتب كلام بيلقى قبول من البعض.
طبعا مش هاقدر اقول بقلب جامد اني بقالي عام كامل بادون زي الأستاذ عصفور المدينة مثلا عشان يعني مقلة شويتين في انتاجي التدويني، انما آديني اهوه برضه على طريق التدوين و يا رب يتقبل ما كان لوجهه في السنة الماضية و يعفو عما كان لهوى في نفسي.
كل سنة و انتوا طيبين
هناك 8 تعليقات:
أكبر منك بيوم يعرف عنك بسنة
:)
كل عام وأنت بخير وبعدين انت مش تجيبي تورتة ولاحاجة ولا بتعزمي الناس على الكيكة الصغيرة اللي عندي
وربنا يبارك فيك وفي جهدك وتستمري وتنفعي وتنتفعي
وياريت تستمري هنا في بلوج سبوت
كل عام تدويني وأنتي بخير ..
وياريت فعلا تستمري في مكان واحد فقط .. بدل الشحططة دي
كل عام وانت بخير
تقريبا في السنة دي حضرتك 6 اشهر ما بتدونيش
(:
كل سنه وانتى مدونه
وكل سنه وانتى راضيه لربك .. تكتبى ماتنفعى به الغير
يلا ياستى عايزينك تشدى حيلك شويه
نسمى كده ونبتدى بس من غير تاخير
منتظرة تدوينتك الجديده
تحياتي
عقبال 101 سنه تدوين.
تحياتي و تقديري
انتى فين بقى من زمان
يعنى ندور عليكي هنا ولا ندور عليكي هناك
ولا نقضيها فيسبووك وكان الله بالسر عليم :)
وحشتيينا
راجعة قريب ان شاء الله :)
دعواتكوا
كل عام وانتى بألف خير
أتمنى لكى كل النجاح والتوفيق فى كل مناحى حياتك وأن يوفقكى الله الى ما يحبه ويرضاه
سننتظر جديدك دائما يا أختى الكريمة
خالص مودتى ودمتى بألف خير
اسامة سامى
إرسال تعليق