سنة مرت على رحيله
كتير باتأمل في الموت و انتقال الانسان من حالة لحالة
خلاص بابا ما بقاش يفرق معاه اللي بيحصل في الدنيا
سابنا في الاختبارات اليومية و الابتلاءات و معترك الحياة
و هو خلاص كده خلص الامتحان بتاعه و سلم ورقته
ياااااااه.. بأه هي الحكاية كده؟
كل اللي يخلص مهمته في الدنيا و يحين وقت الرحيل.. خلاص بيسيب الدنيا باللي فيها و يمشي..
قبل بابا ما يتوفى بيومين اداني مفتاح درجه.. سألته اعمل بيه ايه؟ قال لي خليه معاكي؟
سألته ليه؟ راح زق ايدي ما معناه خليه معاكي و ما اتكلمش.
يا ترى كان حاسس انه خلاص؟ ماشي من الدنيا؟
سبحان الله.. يوم وفاته خلاص كل شئ انتهى
معاناته مع المرض انتهت.. و معاناتنا مع مرضه برضه انتهت
بس انتهت معاها ضحكاته و ابتساماته.. قفشاته و ضحكاته..
خوفه و قلقه عليه.. اتأخرت برة او رجعت من الشغل تعبانة
كله انتهى مع خروج آخر نفس من أنفاسه.. بس انتهى في الدنيا
انما هو بدأ حياة جديدة في الآخرة ربنا يتولاه فيها برحمته و عفوه
و احنا بدأنا حياة تانية بدونه.. عدى منها سنة و ربنا يهون الباقي و يلحقنا به على خير
بابا.. يا رب تكون مت و انت راضي عني.. يا رب تكون دلوقتي في مكان احسن.. انت عمرك ما فوت فرض لأي سبب ايا كان.. حتى و انت في شدة مرضك.. حتى و انت مش مدرك انتي بتعمل ايه.. كنت بترفع ايدك بالتكبير و تدخل في الصلاة و احنا مش في وقت صلاة خالص.. كنت بتصلي الفرض مرتين و ساعات تلاتة.. يا رب تقبل منه ياااا رب
في كلام كتير عايزة اقولهولك.. بس مش قادرة.. دموعي سابقاني.. و انت معانا كنت باقول لك ادعي لي.. دلوقتي مش قادرة اقول لك غيير.. واحشني اوي. ..
كتير باتأمل في الموت و انتقال الانسان من حالة لحالة
خلاص بابا ما بقاش يفرق معاه اللي بيحصل في الدنيا
سابنا في الاختبارات اليومية و الابتلاءات و معترك الحياة
و هو خلاص كده خلص الامتحان بتاعه و سلم ورقته
ياااااااه.. بأه هي الحكاية كده؟
كل اللي يخلص مهمته في الدنيا و يحين وقت الرحيل.. خلاص بيسيب الدنيا باللي فيها و يمشي..
قبل بابا ما يتوفى بيومين اداني مفتاح درجه.. سألته اعمل بيه ايه؟ قال لي خليه معاكي؟
سألته ليه؟ راح زق ايدي ما معناه خليه معاكي و ما اتكلمش.
يا ترى كان حاسس انه خلاص؟ ماشي من الدنيا؟
سبحان الله.. يوم وفاته خلاص كل شئ انتهى
معاناته مع المرض انتهت.. و معاناتنا مع مرضه برضه انتهت
بس انتهت معاها ضحكاته و ابتساماته.. قفشاته و ضحكاته..
خوفه و قلقه عليه.. اتأخرت برة او رجعت من الشغل تعبانة
كله انتهى مع خروج آخر نفس من أنفاسه.. بس انتهى في الدنيا
انما هو بدأ حياة جديدة في الآخرة ربنا يتولاه فيها برحمته و عفوه
و احنا بدأنا حياة تانية بدونه.. عدى منها سنة و ربنا يهون الباقي و يلحقنا به على خير
بابا.. يا رب تكون مت و انت راضي عني.. يا رب تكون دلوقتي في مكان احسن.. انت عمرك ما فوت فرض لأي سبب ايا كان.. حتى و انت في شدة مرضك.. حتى و انت مش مدرك انتي بتعمل ايه.. كنت بترفع ايدك بالتكبير و تدخل في الصلاة و احنا مش في وقت صلاة خالص.. كنت بتصلي الفرض مرتين و ساعات تلاتة.. يا رب تقبل منه ياااا رب
في كلام كتير عايزة اقولهولك.. بس مش قادرة.. دموعي سابقاني.. و انت معانا كنت باقول لك ادعي لي.. دلوقتي مش قادرة اقول لك غيير.. واحشني اوي. ..
هناك 8 تعليقات:
وقالوا الحمد لله الذي أذهب عنا الحزن إن ربنا لغفور شكور الذي أحلنا دار المقامة من فضله لا يمسنا فيها نصب ولا يمسنا فيها لغوب
البقاء لله يا علا
بإذن الله هو دلوقتي في مكان أحسن وأفضل
وبإذن الله تلحقوا بيه في المكان ده على خير
مش بادعي عليكم بالموت ولا حاجة
:D
ألحقنا الله وإياكم بالصالحين
اللهم آمين
في جنة الخلد ان شاء الله
تعرفي الاموات بيستبشروا باعمالنا الصالحة
تقدري تسعديه بطاعتك لربنا و التصدق و الدعاء له بالرحمة
تحياتي
و رمضان كريم
رحم الله اباك..وجعل الفردوس الاعلى مستقرا له ومقام
مش هاقدر اعلق كتيير لان فقدان الغاليين صعب...بس كلما نتذكر ندعو ونستغفر ونخرج صدقات
وكما قلت لا يهمه من الدنيا إلا ان يكون من ترك خلفا" له صالح...ويدعو له ويعمل على زيادة حسناته
طالما هو فقد هذه القدره
لا تنسيه من عملك الصالح...ولا الدعاء رحمه ورحم جميع امواتنا
ازيك يا علا
:)
شكلك مخصمانا يا عُلا
مش بتردي علينا ليه ؟!!!
:(
آسفة للجميع على عدم ردي على ايا منكم.. انا فعلا فاشلة في موضوع الردود ده.. لما باكتب باحس اني باكتب اللي جوايا.. انما لما آجي أرد مش باعرف.. مش عارفة ليه.
جزاكم الله خيرا جميعا على مواساتي و على تفاعلكم و تعاطفكم و دعواتكم لبابا، يا رب يجعل له نصيبا منها.
ما تزعلوش مني :)
تجولت في مدونتك لما يقرب من الساعه ...
وسعيد جداٌ بانني عرفت طريقي لهنا ...
رحم الله والدك ووالدتي وأسكنه فسيح جناته يا علا
اتمنى أن أجد المرة القادمة لك إدراج جديد مليء بالتفاؤل
أسعد الله أيامك
إرسال تعليق